တညဇာမှာ လမ်းထွက်လာကတ်တေ ခဲဝါတကောင်နန့် အိမ်ခွီးတကောင်ရို့ တွိကတ်ပါရေလှတ်။ ခဲဝါက တော့ကေ ခပိန်ပိန်ချေနန့် ဖြစ်နိန်ပြီးကေ အိမ်ခွီးကတော့ကေ ဝဖီးနိန်ပနာ လိုင်ဖင်းမှာလည်း ကကောင်းလှရေ လိုင်ပတ်ချေတခုကိုဆွဲထားပါရေလှတ်။ ခဲဝါက “အကို ခွီး၊ အကိုကား ကကောင်းဝလို့ လှလို့ရာမလား၊ လိုင်ဖင်းမှာ လည်း လိုင်ပတ်ချေနန့်၊ အကို့ကို အသူက ဒေလောက်ထိတောင် ကျွေးမွေးသုတ်သင်ထားပါလေမသိ” လို့ မိန်းလိုက် ပါရေလှတ်။ အိမ်ခွီးကလည်း “သဖေါကောင်းရေ ကျွန်တော့ အရှင်သခင် ကျွေးမွေးသုတ်သင်ပီးထားစွာပါ” လို့ ဝ၀င့် ကကြွားချေ ပြန်ဖြေပါရေလှတ်။ ယေခါ ခဲဝါက “အကို ခွီး၊ ဇာပိုင်ပင်ဖြစ်လီ ကျွန်တော်ကတော့ကေ အကိုခွီးနန့် နိန်ရာချင်းတခုပိုင်လဲ မဖ နိုင်၊ ဇာလောက်ပင် ဝဖီးနိန်အောင်ကျွေးကျွေး ဇာ အရှင်သခင်အတွက်ကိုမှ ငါ လိုင်ပတ်လည်းမပတ်နိုင်၊ ငါ့စွာငါ လွတ်လွတ်လပ်လပ်နိန်ရစွာလောက် တခုကိုလည်း ငါမတောင်းတ” လို့ပြန်ပြောလိုက်ပါရေလှတ်။ လွတ်လပ်မှုမဟိပဲ ဝ ပြဲနိန်အောင် စားရရေ ထမင်းထက် လွတ်လွတ်လပ်လပ်နန့် တလုပ်ချေပင်စားရ၊ စားရ၊ စားရရေ ထမင်းနပ်က ပိုလို့ တန်ဖိုးဟိပါရေလှတ်။
No comments:
Post a Comment