အချိန်ကာလတိ ကကောင်းကြာညောင်းလားခပြီးသကာလ သူ မွီးဖွါးနိန်ထိုင်ကြီးပြင်းခဖူးရေနေရာ၊ သူရို့၏အတောင်နန့် ပျံသန်းခြင်းစွမ်းရည်ကို အစာရှာစားဖို့အတွက်ရာ အသုံးချကတ်တေ ငှက်တိနန့် ပြည့်နှက်နီရေနေရာ၊ အစာတလုတ်အတွက် အချင်းချင်းတိုက်ခိုက် သတ်ဖြတ်ကတ်တေငှက်တိအများကြီးဟိရေနေရာ၊ ငှက်အုပ်ထဲမှာ အာဏာ ပါဝါချေတခုရဖို့အတွက် ဇာမဆိုလုပ်ဖို့ ဝန်မလီးရေ ငှက်တိ၏နေရာ သဲသောင်ပြင်သို့ ယောနသန် ဇင်ယော်ရေ အလည်တခေါက်ပြန်လို့ ရောက်ပါလတ်ပါရေ။ “ငှက်တိတကောင်လေ့မမြင်ရဗျယ်ကာ ဆူလေဗန်၊ ဇာကိုရောက်လားခကတ်လေ ယင်းငှက်တိ” “ထောင်ပေါင်းများစွာသော ငှက်တိကိုငါသိရေ ယောနသန်၊ သို့သော် (ငှက်မျိုးရိုး၏ ပကတိဂုဏ်ပုဒ်ကို ဖေါ်ထုတ်ဖို့အတွက်) အဖြေရေ မင်းတယောက်တည်းမှာရာတွိရရေ၊ မင်းရေ ငှက်ပေါင်း တသန်းမှာ တကောင်လောက်စီရာ တွိရရေ အာဂ ငှက်၊ ကျန်ရေငှက်အများစုရေ သူရို့ ဘဇောင်ဘဝအခြေအနေတိကို ဖြတ်သန်းလာကတ်တေလေ ဆိုစွာကိုလဲ ကကောင်းမမွန်မသိတတကတ်၊ ဘဇောင်ပိုင်မျိုးအနာဂါတ်အခြေအနေတရပ်ကို ရင်ဆိုင်ကတ်ရဖို့ ဆိုစွာကိုလဲ ဂရုမစိုက်၊ ငှက်အများစုက လက်ဟိဘဝအခြေအနေချေတရပ်ထဲမှာရာ ဖြစ်တေပိုင် ကျင်လည်နိန်ကတ်စွာရာဖြစ်တေ။ အေဂုဆိုကေ မင်းရေ “အစာစားဖို့” အတွက် ရှင်သန်ရေ ဘဝထဲက ရုန်းထွက်လားပြီးဗျာယ်။ အချင်းချင်းတိုက်ခိုက်သတ်ဖြတ်နိန်တတ်တေ အခြေအနေတိ၏ အပြင်ဖက်သို့ရောက်လားခပြီးဗျယ်။ ကိုယ့်ငှက်အုပ်ထဲမှာ အာဏာ ပါဝါတဖဲ့ချေရဖို့အတွက် ဇာမဆိုလုပ်ဖို့ အဆင်သင့်ဖြစ်နိန်တတ်တေ ငှက်တိ၏ ဖြစ်တည်မှုထက် အဆပေါင်း များစွာ ပိုမိုမြင့်မြတ်တေ ဖြစ်တည်မှုတရပ်ထဲမှာ မင်းရောက်လားခ ဗျာယ်။ “အသက်ရှင်နိန်ထိုင်ခြင်း၏ ပြီးပြည့်စုံမှု” အခြေအနေတရပ်လို့ ပြောကေ ပြောကောင်းပါယင့် ယောနသန်။ ယင်းပိုင်မျိုးအခြေအနေရပ်ထဲကိုရောက်နိုင်ဖို့အတွက် ငှက်မျိုးနွယ်ဝင်တိရေ ဘဝပေါင်း ထောင်နန့်၊ သောင်း နန့်ချီလို့ ကြိုးစားကျော်ဖြတ်ကတ်ရရေ။ အေဂုမင်းရေ နောက်ထပ် ရာပေါင်းများစွာသော ဘဝ တိကို ဖြတ်သန်းဖို့ မလိုလိုက်ဗျာယ်။ ငါရို့တိ ဘဝမှာ အသက်ရှင်နိန်ထိုင်ခြင်း၏ အမြင့်ဆုံးသောအဓိပ္ပါယ်နန့် ပြီးပြည့်စုံမှုအခြေအနေတရပ်ကို ငါရို့ရှာတွိပြီးရေနောက်မှာ တခြားငှက်တိကိုလည်း လမ်းကြောင်းဖေါ်၊ ပြသလားကတ်ရဖို့ယောနသန်။ ဘဝတခုခုရပြီးရေခါ တခုကိုလည်း အဓိပ္ပါယ်ဟိဟိ မလေ့လာ၊ မစူးစမ်း၊ မဆင်ခြင်ပဲနန့် နိန်လားခကေ နောက်ဘဝ ကျကေလည်း ယင်းပိုင်ပဲ အဓိပ္ပါယ်မဟိပဲ၊ တိုးတက်လာမှုတခုလည်းမဟိပဲ နိန်လားရဖို့စွာဗျာယ်ဖြစ်တေ။ အေနည်းလည်းကောင်း အခက်အခဲတိ၊ အတားအဆီးတိ နန့် ပိ ဗျာယ် နိန်လားကတ်ရဖို့ဖြစ်တေ။ ငါရို့အားလုံးရေ ဘဝ တခု က နောက်တခုသို့ အကူးမှာ အယင်ဘဝက ဖြစ်တည်ပါလာရေ ပါရမီ ဓါတ်ခံတိနန့် ကာလတာခရီးရှည်ကို ဆက်လားကတ်ရစွာရေ ငါရို့တိ၏ သဘာဝနိယာမတရပ်ဗျာယ် ယောနသန်”
No comments:
Post a Comment