ဒေနိမိုးထဖက် ကျွန်တော်နန့် ကျွန်တော့သားကြီး အဉ္ဇ္ဈန စာအုပ်တစ်အုပ်ကို အတူတူဖတ်ဖြစ်ကတ်ပါရေ။ စာအုပ်က တိုက်တန်းနိုက် သင်္ဖောကို ယင်းသင်္ဖောမြုပ်လားရေနေရာမှာ ပြန်လို့ရှာဖွီမှု၊ တွိဟိမှုနန့် ယင်းချင့်တိနန့်ပါက်သက်လို့ တခြားအမြင်ချေတိကို ရွီးထားရေစာအုပ်ချေတအုပ်ပါ။
စာအုပ်ကိုဖတ်အပြီးမှာ အဉ္ဇ္ဈန ကို ကျွန်တော်မိန်းခွန်းချေတခုမိန်းကြည့်ပါရေ။ “သင်္ဖောမြုပ်တေအချိန်မှာ မင်းယင်းသင်္ဖောပါလာရေ လူတိထဲကတယောက်လို့ဆိုကေ မင်းဇာလုပ်ဖို့လဲ” ဆိုပြီးကေ ကျွန်တော်က သူ့ကို မိန်းကြည့်ပါရေ။ အဉ္ဇ္ဈန က ဇာပြန်ပြောရေလဲဆိုကေ “မောင်မောင် ရီကူးနိန်ဖို့ပါပါ” လို့ ပြန်ပြောပါရေ။ “ကောင်းဗျာယ်၊ မင်းရီကူးချင်ပိုင်ကူးနိန်၊ အသက်ကယ်လောင်းလည်းတစင်းလည်းမြင်လည်းမမြင်ရကေဝါ မင်းဆက်လို့ ကူးနိန်ဖို့သိလား” ဆိုပြီးကေ ကျွန်တော်က ထပ်မိန်းပါရေ။ ယင်းသူက “ကူးနိန်ပါဖို့သိ” လို့ပြန်ပြောပါရေ။ ယေကေ “ဇာဖြစ်လို့လဲ” ဆိုပြီးကေ ကျွန်တော်က ထပ်မိန်းပါရေ။ ယေခါ အဉ္ဇ္ဈန တိန်းလားခပါရေ။
ကျွန်တော်နားလည်လိုက်ပါရေ။ ခြောက်နှစ်သားချေတယောက်အတွက် မိန်းခွန်းက တစိချေလောက် ဖြေဖို့ ခဲယဉ်းရေ ဆိုစွာကိုပါ။ဘဇောင်ပင်ဆိုစီ။ အဉ္ဇ္ဈန ဖြေရေအဖြေတိကို ကျွန်တော် ကကောင်းကျေနပ်၊ ပီတိဖြစ်မိပါရေ။ ဇာဖြစ်လို့လဲဆိုကေ ယင်းချင့်ရေ လူသားအမှန်စိတ်ဓါတ်ပါ။ ကမ်းမမြင်၊ လမ်းမမြင်၊ မျှော်လင့်ချက် မဟိချောင်ပိုင်ဖြစ်နိန်ပါတ်စီ။ ကျွန်တော်ရို့၏ နောက်ဆုံးထွက်သက်အထိ ဇွဲမလျှော့ပဲ ကူးခပ်နိန်ရဖို့စွာရေ လူသားအမှန်စိတ်ဓါတ်ပါ။ ယင်းအချိန်၊ ယင်းအခြေအနေမှာ အဓိပ္ပါယ်ရှိရှိ အားထုတ်လုပ်ဆောင်နိုင်ရေ တခုတည်းသော ကြိုးပမ်းမှုလည်းဖြစ်နိန်လို့ပါ။အဉ္ဇ္ဈန အဖြေအတွက် ကျွန်တော်ပျော်ပါရေ။
Subscribe to:
Post Comments (Atom)
No comments:
Post a Comment